Web Hosting Kya Hai? What is Web Hosting in Hindi 2018

Web Hosting Kya Hai

Web Hosting kya hai in Hindi 2018: Hello Namshkar Dosto me Dhanesh Chaudhary welcome hai aapka hamare blog Royalkingnews me. Aasha karta hu ki aap sab achhe honge. Aap ko pata hoga me aapke liye blogging or mobile reviews se related post lata rahta hu. Pichhli post me humne aapko bataya tha ki domain name kya hota hai. Or domain kaha se kharide. Friends agar aap bhi website ya blog banana chahte ho to me aapke liye blogging series ki saari post step by step lekar aane wala hu. So friends sabse pahle agar aap ek blog/website banana chahte ho to aapko pata hona chahiye ki Domain or Web Hosting kya hai. Ek naye Blog ya Website banane ke liye domain or web hosting kyo jaruri hai. Web Hosting kitne prakar(types) ki hoti hai. Aaj hum janenge ki web hosting kya hoti hai. Or web hosting kaha se kharide. Kahi aise log bhi log bhi hote hai. Jo Blogging start to kar lete hai. Lekin unko ye pata nahi hota hai ki ek achhi web hosting kaha se kharide or vo jaldi jaldi ya bina knowledge ke har koi hosting kharid kar baith jaate hai. Web hosting ko lekar jo bhi pareshaani hai vo sab door hone wali hai. Web Hosting ke baare me puri jaankari hindi me janane ke liye bane rahe hamaare saath or iss post ko last tak read kare. Taaki aap sabhi log web hosting ke baare me jaan sake.

Web Hosting Kya Hai? (What is Web Hosting in Hindi)

Web Hosting Kya hai: Web hosting ke baare me janane se pahle aapko internet ki duniya ka thoda bahut knowledge hona chahiye. Internet par jab aap website/blog banate ho to uske liye sabse pahle uski jagah ki jarurat hoti hai. Jagah ka matlab yah hota hai ki jab hum website ya blog banate hai yaani ki website par jo bhi video,audio,files ya content upload karte hai. Uske space ya storage ko hi web hosting kahte hai. Sidhi language me baat kare to blog/website banane ke baad ya domain buy karne ke baad usi domain ke storage/data ko hi web hosting kahte hai. Fir bhi agar samjh nahi aaya ki web hosting kya hoti hai to ek or example dene ja raha hu. Aap logo ke paas mobile to hoga uss mobile me Ram or Rom hoti hai jo mobile ka saara data store karti hai. Usi prakar jab hum koi domain buy karte hai to uska daata kaha par store hoga. Yaani sab milakar baat kare to website ke daata storage ko hi web hosting kahte hai. Mere hisaab se ab aapko samjh me aa gya hoga ki web hosting kya hoti hai. Web hosting ki vajah se hi hamari website/blog internet par active rahti hai. Ab aapke man me yah sawal aaya hoga ki web hosting kisse buy kare. Internet par aisi bahut saari company hoti hai jo aapko web hosting provide karti hai. Isi ko web host company kahte hai.

Also Read This Post

  1. Domain Name Kya Hai? What is Domain Name in Hindi 2018
  2. Domain Name Kaise Work Karta Hai?
  3. Free Domain Name Provider Website List 2018
  4. Domain Name Kitne Prakar Ke Hote Hai? (Type Of Domain Name)

Free or Paid Web Hosting Me Kya Difference Hai?

Agar aap internet par apna blog ya website banana chahte ho to aapko yah janana jaruri hai ki paid or free web hosting kya hai. Ab aapke man me yah sawal aa raha hoga ki Aapke blog ya website ke liye konsi web hosting sahi rahegi. Free or paid web hosting me kya antar(Difference) hai. Yah dono web hosting hum kaha se buy kare. Friends jitne bhi questions hai unn sabhi ko iss post me details se batane wala hu.

Free Web Hosting Kya Hoti Hai?(What is Free Web Hosting)

Sabse pahle agar aap blogging platform me naye ho ya aap blogging shuru karna chahte ho to aapke liye free web hosting best hai. Agar aap web hosting buy karne ke liye paise nahi lagana chahte ho to isi ko free web hosting kahte hai. Kyonki dosto naye blogger ke liye paisa lagana aasan nahi hai. Lekin jab aap free ki web hosting par kaam karoge to aapko pata chal jayega ki free ki web hosting ke kya benefits or nuksaan hai. Or jab aap naya blog banate ho to uss par itna traffic bhi nahi aayega isliye mera manana hai aap blogger ki free ki web hosting use kar sakte ho. Yaha tak ki bade bade blogger bhi yahi web hosting use karte hai.

Free Web Hosting Kaha Se Kharide(Buy) Kare?

Blogger
WordPress
Freehosting
Infinityfree
5GBFREE
Hyperhost
Freehostingnoads
50webs
Awardspace

Paid Web Hosting Kya Hai?(What is Paid Web Hosting)

Jab aap web hosting buy karne ke liye kisi web host company ko paisa dete ho or vo aapko badle me web hosting provide karti hai. Usi ko paid web hosting kahte hai. Agar aapke blog ya website par high traffic aa raha hai to aapke liye paid web hosting best opportunity hai. Kyonki iski service or customer support bahut achha hota hai. Yah high traffic ko handle kar sakti hai. Sabse badi baat to yah hai ki paid web hosting sabse jyada secure hoti hai.

Web Hosting Kaha Se Kharide(Buy) Kare?

Aapne yah to jaan liya hai ki Web hosting kya hai. Agar friends aap paise lagakar web hosting kharidna chahte ho to aapke liye paid web hosting best options hai. Paid web hosting me kisi bhi tarah ki koi problem create nahi hoti hai. Vaise to market me bahut saari companies hai jo web hosting provide karti hai. Maine bhi mere blog royalkingnews.com par paid web hosting kharid rakhi hai. Paid web hosting bhi usi company se kharido jiski Disk Space,Bandwidth,Uptime or Customer support achha ho usi company se web hosting buy kare. Web hosting popular website name me niche de raha hu jo ki best hai. Me khud bhi royalkingnews par HostGator ki web hosting use karta hu.

HostGator
Godaddy
BlueHost
BigRock

Web Hosting Kitne Prakar Ki Hoti Hai? (Types of Web Hosting in Hindi)

Web hosting kya hoti hai ye to aapne jaan liya hai. Ab aapko yah bhi janana jaruri hai ki web hosting kitne prakar ki hoti hai (types of web hosting) Chaliye jaante hai. Vaise to web hosting bahut prakar ki hoti hai. Example me abhi de raha hu. Me aaj aapko sabhi prakar ki hosting ke baare me details se puri jankari dene wala hu. Tabhi aapko pata chalega ki hame website/blog ke liye konsi hosting leni chahiye. Or aapke website ke liye konsi hosting best hai.

 Shared Hosting
 VPS (Virtual Private Server)
Dedicated Hosting
Cloud Hosting

Shared Web Hosting Kya Hai? (What is Shared Web Hosting in Hindi)

Shared Web Hosting Kya Hai: Shared web hosting ka matlab yahi hota hai ki sabhi ke saath share karna. Shared web hosting me bahut saari files ek hi server par kaam karti hai. Hosting ko share karne ki vajah se hi iska name shared web hosting rakha gya hai. Fir bhi agar samjh nahi aaya ki shared web hosting kya hoti hai. Uske liye me ek example de raha hu. Jaise humne koi flat kharida hai or uss flat me kahi room hote hai. Hum apna room apne friends ke saath share karte hai. Usi prakar web hosting work karti hai. Usi ko shared web hosting kahte hai.

Shared Web Hosting Ke Kya Fayade(Benefits)Hai?

Sabse pahle aap agar shared web hosting kharidna chahte ho to aapko pata hona chahiye ki shared web hosting ke kya kya fayade(benefits) hai. Or shared web hosting ke kya kya nuksaan hai. Or aapko shared web hosting kyo buy karni chahiye to aaiye jaante hai kya nuksaan or fayade hai.

Friends sabse pahle agar aap blogging me naye ho ya blog ya website banana chahte ho to aapke liye shared web hosting sabse achhi hai.

Agar aap web hosting me kam paisa invest karna chahte ho to yah aapke liye best hai.

Shared web hosting ka sabse bada faayda yah ki hai shared web hosting bahut sasti hai. Yaani ki aapko paisa thoda invest karne ki jarurat hogi.

Shared Web Hosting Ke Kya Nuksaan Hai?

Shared web hosting buy karne ke baad jab kabhi bhi aapki website ya blog purana hota jayega. Fir aapki website par high traffic aayega tab website loading me problem create hone lagegi.

Shared web hosting sasti to mil jayegi par jab site par jyada traffic aayega tab usko shared web hosting handle nahi kar sakti hai.

VPS(Virtual Private Server) Web Hosting Kya Hai? (What is VPS Web Hosting)

VPS Web Hosting Kya Hai: Doston Virtual Private Server ko short language me VPS web hosting kahte hai. Isme koi sharing nahi hoti hai. Example ke liye jaise aapne ek naya flat buy kiya. To uss par only aapka adhikaar rahta hai. Vo personal aapka hi hota hai. Bilkul usi tarah VPS web hosting par only aapke alag server rahenge. Yah web hosting aapki personal hogi. VPS web hosting shared hosting se thodi mahngi(costly) padegi.

VPS Web Hosting Ke Kya Fayade(Benefits) Hai?

VPS hosting agar aap buy karte ho to best opportunity hai ki yah sabse jyada secure hai.

Yah web hosting high traffic ko bhi handle kar leti hai.

Iss hosting ka customer support achha hai.

Yah ek fully customize web hosting hoti hai. Iske performance shandaar hai.

VPS Web Hosting Ke Kya Nuksaan Hai?

Jo log blogging me naye hai unke liye yah web hosting achhi nahi hai

Iss web hosting ki cost thodi jyada hai isi vajah se har koi buy nahi karta hai.

Iske liye aapko thoda technical knowledge hona chahiye.

Dedicated Web Hosting Kya Hai?(What is Dedicated Web Hosting)

Dedicated Web Hosting Kya Hai: Dedicated web hosting ki baat ki jaaye to isme aapko aapki website ya blog ke liye ek alag hi server milta hai. Jis par aap achhi tarike se kaam kar sakte ho. Sabsi badi baat yah hai ki dedicated web hosting only aapki website ki files ko store karti hai. Iski speed achhi hai. Yah achhe se work karti hai. Yah only aapki website ke hi video,audio or content ki files ko hi store karti hai.

Dedicated Web Hosting Ke Kya Fayade(Benefits) Hai?

Yah sabse achhi web hosting hai iske performance bhi sabse jyada high hote hai.

High traffic or loading ke mamle me sabse best web hosting hai.

Customer support bahut jyada achha hai high traffic ko aasaani se handle kar sakti hai.

Yah sabse jyada secure web hosting hai.

Dedicated Web Hosting Ke Kya Nuksaan Hai?

Vaise dekha jaaye to iske koi jyada nuksaan nahi hai. Lekin iski Cost bahut jyada hai.

Dedicated web hosting ko har koi log buy nahi kar sakte hai.

Cloud Web Hosting Kya Hai? (What is Cloud Web Hosting)

Cloud Web Hosting Kya Hai: Cloud web hosting ki baat kare to yah sabse achhi or bharosemand web hosting hai. Iss web hosting me bahut saare server ek saath jude rahte hai. Kaafi log iss web hosting ko use karte hai. Cloud web hosting buy karne se pahle aapko yah janana jaruri hai ki iske kya kya fayade or nuksaan hai.

Cloud Web Hosting Ke Kya Fayade(Benefits) Hai?

Sabse pahli baat iska customer support bahut jyada achha hai.

Iska ek benefit yah achha hai ki yah dedicated web hosting se sasti hai.

Iska sabse achha benefit yah bhi hai ki cloud web hosting ke server down hone ke bahut kam chance hai.

Cloud Web Hosting Ke Kya Nuksaan Hai?

Cloud web hosting sabse bada nuksaan yah hai ki isko root access manyata nahi deta hai.

Cloud web hosting baaki web hosting se thodi jyada mahngi hoti hai.

Leave a Reply

Your email address will not be published. Required fields are marked *